病了.

仲以為冇咩事,點知真係病到死死下.想打字都冇咩力.哎呀~~~仲諗住最後一日,寫個blog寫多d添. 而家真係好勉強!
點解成日都係d唔岩時候病?!臨走都搞到病.真係大吉利事.
黑開有一條路,打算今日請人食散水餅,點知又唔記得帶張餅卡出去買餅! 又要等到聽日先派. 問過幾位熟的同事,他們都不明白為何走時要派餅.又要send email.佢地梗係叫我唔駛做d咁既野,不過,我覺得完全唔做又唔得既.平時已經俾人覺得我串,唔打招手又唔笑.臨走時,都係要做少少野既.聽日會買3打餅,係唔夠嫁啦,不過無可能夠,最多邊個見到邊個食囉.
本來打算去影相,影下間公司,不過病左就唔想周圍郁.聽日先影.唉!真麻煩!
大家如果有留意我個blog,都一定會覺得我差不多日日都update內容,每日都有野post.呢d都係多得間公司,冇佢地咁冇野做,我都唔可以每朝用成2,3個鐘頭做自己野.我九點半返工,係個電腦度搞到11,12點先開始做公司野.哈哈!!有時,仲成日都唔做添! 或者係因為我效率高啦. (梗係咁講!)不過,轉左工之後,睇怕都冇咁多時間寫blog啦.所以,大家可能每日少左d野睇,我無可能日日都update囉.呢樣野,可能係我轉工後,最大既影響!
諗諗下,聽日真係好多野搞.係半日時間內要搞晒d離職手續,派餅,影相,copy自己的片...嘩!撞鬼囉.點解要係呢個時候病呀~~~~~~~~~~~